صبايا بالنسبة للموضة لجديدة ! يعني يا محلى الشباب و "لبوكسر" !! ما بعرف من وين بتجي هل أفكار المبدعة و يلي للأسف ما بشوف فيها لا جمال ولا اناقة ولاحتى ترتيب .
موضة طلعت جديدة او قديمة ما بعرف او يمكن هلق وصلت على لبنان , و نحن كونا بنحب كل شي غريب و موضة مش مهم اذا صح او غلط!حلو او بشع! المهم نقلد و خلصت القصة,كل صبية او مدام صار لازم تبين شي من "حمالة الصدر او"البرا" يلي تحت لتياب ! انه لازم يظهر جزء منه من قدام او من ورا او حتى طرافها او يمكن "الحمالات بس" شو المغزى ما فهمت!! ,الألذ انه صار في تفنن بالالوان والاشكال ! شو يعني هيدا اغراء محترم مثلا" او شو ؟ خلصوا التياب و صار بدك تظهري يلي تحت لتياب! و يلي ضاعت عن باله الفكرة انه هل اشياء اسمها "ملابس داخلية او تحتية "يعني شي مخبى ماظاهر للعلن! يعني لو كانت بدها تبين كانوا سموها شي تاني غير تحتية او داخلية! ما بحاجة القصة لذكاء!
كنت مفكرة انه عادي الشاب اذا ما كان عنده حياء او خجل , بس انه البنت كمان , لاء كتير هلقد, البنت اجمل مافيها الحياء و الخجل, و اذا فقدتهم بتفقد انوثتها.
يمكن تقلوا ها حرية! الحرية ما بتكون بهل شي ما بتعرف تكون حرة الا اذا بين هل شي!! ها الحرية! ليه دايما بناخد القشور و الأشياء التافهة و بنسميها حرية! طيب مين قال انه حدا من الناس بده يعرف انتي شو لابسي تحت تيابك؟ بدكم تقولوا انه ما حدا يتطلع ! ما ها اشياء قد ما حدا غض بصره في اشياء غصب عن اي حدا بتطلع بوجه و بتقتحم نظره,ما ضروري هل شي يضايق الشاب فيها تكون صبية متلك متلها! حتقولولي وين في شاب بعض بيخجل لاء في بعد متل مافي بنات ما بتخجل في شباب بتخجل!
يمكن ها نظرة ممكن يكون فيها تخلف ! بس انا هيك شايفة مع اني مع الحرية بس كل شي عنده حدود و قيود , ما لح حددها بالدين لاء لح حددها بالمجتمع العربي و التقاليد و العادات يلي نحنا عايشين فيها و اذا ضهرنا منها فقدنا هويتنا, الحرية هي شي ما فينا نعيش من دونه بس حلو كمان نكون احرار باحترام لنفسنا و ذاتنا .
ليست هناك تعليقات:
إرسال تعليق